पृष्ठभूमि

थारू जाति नेपाल देशके आदिवासी के रूपमे मानल जाईछै, कियाक त थारूजातीके वंशावली अथवा पुस्ता बताइरहलछै, वना त थारू जातिके इतिहासलिखित रूपमे नै बनल छै, लेकिन वंशावली पुस्ताके ओर से थारू जाति नेपालके आदिवासी कहलाई छै, उदाहरण के रूपमे जगती रामकिसन फगूके वंशावली पुस्ता विक्रम सम्वत् १०५६ साल अगावै से पत्ता लाईग रहल छै ।
          जगती रामकीसन फागुके तीन पुस्ताअगाडि पुस्ता नं. १ कारो माईझ पुस्ता नं. २ रमापति माइझ, पुस्ता नं. ३ बुधाई माईझ, गरहाई माईझ तक पत्ता छै तै हेतु जगतीरामकिसन फागुके वंशावली विक्रम सम्वन् ८३१ साल तक पत्ता चैल रहल छै, विक्रम सम्बत १०५६ साल से जगती रामकीसन फागू (तीनभैया) के चलन चलती अथवा उदय भेला से हमरा सबके वंशावली जगती रामकिसन फागू तीन भाई देव अंशी, छेलै, कतौ बाहरो रहै छेलै, वई बखत गाउँ घरमें कोनो किसिमके अभावृत्ति भेलासे वकरा सबके पत्ता लाईग जाई छेल । देव अंशीकेसाथ समाजसेवी, परोपकारी, अथवा देशभक्त सोहो भेलासे वकरा सबके नाम आई देशमे प्रख्यात भेलै ।
 

सत्यदेव चौधरी
कुसहा -२, श्रीपुर सप्तरी

हाल सुरुङ्गा न.पा.-६
जगती रामकिसन फागु वंशावली